Category Archives: Food

ជ្រក់ជើងមាន់


គ្រឿងផ្សំមានដូចជា៖

១. ជើងមាន់១គីឡូកន្លះ

២. ទឹក៧៥០មីលីលីត្រ

៣. ទឹកត្រី៣០០មីលីលីត្រ

៤. ទឹកខ្មេះ៣០០មីលីលីត្រ

៥. អំបិល២/៣ស្លាបព្រាបាយ

៦. ស្ករសរមួយស្លាបព្រាបាយកន្លះ

៧. គល់ស្លឹកគ្រៃ៧គល់

៨. ខ្ញី៥ដុំ

៩. ស្លឹកក្រូចសើច១៥សន្លឹក

១០. ខ្ទឹមស១៥កំពឹស

១១. ម្ទេស១០គ្រាប់

១២. ទឹកកកលៃល្មមត្រាំជើងមាន់

របៀបធ្វើ៖

១. ហាន់ខ្ទឹមស ខ្ញី គល់ស្លឹកគ្រៃ ម្ទេស ជាបន្ទះស្ដើងៗ ទុកមួយឡែក។

២. ចាក់ទឹក ទឹកខ្មេះ អំបឹល ស្ករស ទឹកត្រី ចូលឆ្នាំង រួចដាំឲ្យពុះ ទុកឲ្យត្រជាក់ទុកមួយអន្លើ។

៣. ដាំទឹកបង់គល់ស្លឹកគ្រៃ ខ្ញី និងស្លឹកក្រូចសើចមួយភាគ មកបង់ចូល រួចចាកជើងមាន់ចូល បើកភ្លើងដាំឲ្យពុះប្រហែល១០នាទី បន្ទាប់មកស្រង់យកជើងមាន់មកត្រាំទឹកកកឲ្យត្រជាក់សព្វប្រហែល១០នាទីឲ្យសាច់ឡើងរឹង និងស្រួយ។

៤. យកជើងមាន់ដែលត្រាំទឹកកករួច(ស្រង់ឲ្យអស់ទឹក) មកតំរៀបក្នុងក្រឡកែវ លាយជាមួយ ខ្លឹមស ខ្ញី គល់ស្លឹកគ្រៃ ម្ទេសដែលបានហាន់រួច ស្លឹកក្រូចសើច (មិនបាច់ហាន់ទេ ទុកទាំងមូល) រួចចាក់ទឹកសម្រាប់ជ្រក់ដែលបានដាំទុកឲ្យត្រជាក់ចូលឲ្យលិចសព្វជើងមាន់ ទុកប្រហែល៣០នាទីដើម្បីឲ្យជើងមាន់ចូលជាតិបានល្អហើយ យើងអាចយកទៅក្លាសេទុកក្នុងទូរទឹកកកមួយយប់សិន ជាការស្រេច៕ ចំណាំ៖ អាចទុកក្នុងទូរទឹកកករក្សាបានប្រហែល៥ ទៅ៦ថ្ងៃ។

Advertisements

ទឹកត្រីបុកអំពឹលខ្ចី


គ្រឿងផ្សំមានដូចជា៖

១.ក្ដឹបអំពឹលខ្ចី

២.ទឹកត្រី

៣.អំបិល

៤.ម្ទេស

៥.រំដេង ឬ ខ្ញី

៦.ខ្ទឹមស

៧.ស្ករស

៨.ប៊ីចេង

របៀបធ្វើ៖

បុកគ្រឿងផ្សំទាងអស់បញ្ចូលគ្នា លាយតាមរសជាតិដែលលោកអ្នកចូលចិត្តជាការស្រេច។

ក្ដាមសេះអាំងអំបឹលម្ទេស


គ្រឿងផ្សំមានដូចជា៖

១. ក្ដាមសេះ

២. ខ្ទឹមស

៣. ម្សៅស៊ុប

៤. ស្ករស

៥. ម្ទេស

របៀបធ្វើ៖

១. បកក្ដាម រួចកាប់ជា២ ហើយយកស្រកីវាចេញលាងទឹកឲ្យស្អាតទុកមួយអន្លើ

២. បុកខ្ទឹមស ម្ទេស ស្ករស និងម្សៅស៊ុបចូលគ្នា

៣. យកក្ដាមមកប្រឡាក់ជាមួយគ្រឿងផ្សំដែលបានបុករួច ហើយដាក់អាំងជាការស្រេច។

ស្ងោរជ្រក់ត្រីបាត់ដំបង



គ្រឿងផ្សំមានដូចជា៖

១. ត្រីឆ្កោក ឬត្រីក្អែក ឬត្រីឆ្ដោ (លោកអ្នកអាចជ្រើសរើសយកត្រីប្រភេទផ្សេងទៀតក៏បានតាមការចូលចិត្ត)

២. គល់ស្លឹកគ្រៃ ២គល់

៣.ខ្ទឹមស ១០កំពឹស

៤. ម្ទេស ៦គ្រាប់ (អាចដាក់តិច ​ឬច្រើនតាមចំណូលចិត្ត)

៥. ជីរណា

៦. ជីនាងវង

៧. ស្លឹកខ្ទឹម

៨.​ អំបិល

៩. ប៊ីចេង

១០. ទឹកត្រី

១១. ស្ករស

១២. ក្រូចឆ្មារ


របៀបធ្វើ៖

១. អាំង ម្ទេស និងខ្ទឹមស អោយឡើងឈ្ងុយនិងរាងគ្រៀមបន្តិច រួចយកចំនួនពាក់កណ្តាលទុកសម្រាប់បង់ចូលក្នុងទឹកសម្ល  ឯពាក់កណ្ដាលទៀតយកមកហាន់ជាចំណិតតូចៗល្មម សម្រាប់ធ្វើទឹកជ្រលក់

២.​ ដាំទឹកអោយពុះ បង់គល់ស្លឹកគ្រៃ​(ដំបន្តិច) អំបិលបន្តិច ខ្ទឹមសនិងម្ទេសដែលបានអាំងរួច​ និងត្រីចូលអោយបានមួយពុះសិន ចាំដាក់ទឺកត្រី​ និងប៊ីចេង ភ្លក់មើលល្មមតាមរសជាតិដែលលោកអ្នកចូលចិត្ត រួចលើកទុកមួយឡែក។

៣. ហាន់​ ជីនាងវង ជីរណា ស្លឹកខ្ទឹម និងចិតក្រូចឆ្មាច្របាច់យកទឹកទុកសម្រាប់ជ្រក់ និងធ្វើទឹកជ្រលក់

៤. វិធីធ្វើទឹកជ្រលក់ (រសជាតិត្រូវជូ ប្រៃ និងហឹលខ្លាំងបន្តិច ទើបឆ្ងាញ់)៖ លាយ ទឹកត្រី ក្រូចឆ្មារ ស្ករស (ដាក់តែបន្តិចបានហើយ​)​ ប៊ីចេង ម្ទេស ខ្ទឹមស ស្លឹកខ្ទឹម និងជី អោយចេញរសជាតិជូ ប្រៃ និងហឹល ទុកជាបានការ។​

៥. ដួសសម្លដាក់ចាន រួចរោយជី និងស្លឹកខ្ទឹម  ដាក់ទឹកក្រូចឆ្មារចូល ភ្លក់មើលអោយល្មមតាមរសជាតិដែលលោកអ្នកចូលចិត្តជាការស្រេច។

img_7671

មាន់ដុតទឹកស៊ីអ៊ីវ



គ្រឿងផ្សំមានដូចជា៖


១. មាន់ស្រែមួយក្បាល

២. គល់ស្លឹកគ្រៃ២គល់

៣.ខ្ទឹមស៥កំពឹស

៤. ខ្ទឹមក្រហម៥កំពឹស

៥. អំបិល

៦. ប្រេងឆា

៧. ប៊ីចេង

៨.​ ស្ករស

៩. ទឹកស៊ីអ៊ីវ​

១០. ស្លឹកខ្ទឹម


របៀបធ្វើ៖

១. ចាក់ប្រេងឆាដាំអោយក្ដៅ រួចយកមាន់​​ និង គល់ស្លឹកគ្រៃ​ (ដំបន្តិច) មកបំពងជាមួយគ្នា​អោយឆ្អិនឡើងក្រហមល្អ និងស្បែកខាងក្រៅស្រួយ លើកទុកមួយអន្លើសិន។

២.​ ហាន់ខ្ទឹមស និងខ្ទឹមក្រហម​ ជាចំណិតស្ដើងៗ បំពងជាមួយប្រេងឆាអោយឡើងក្រហម រួចចាក់ទឹកស៊ីអ៊ីវ អំបិល ស្ករស​ ប៊ីចេង រួចថែមទឹកជាបន្តិច ភ្លក់មើលរសជាតិ (ត្រូវប្រៃនិងផ្អែមបន្តិចទើបអាចចូលជាតិល្អជាមួយសាច់មាន់) បើល្មមហើយសូមដាក់មាន់ដែលបំពងរួចចូលទៅក្នុងឆ្នាំងដែលផ្សំគ្រឿងរួចនោះ និងបង្វិលឬប្រែមាន់អោយសព្វ​ ហើយលើកចេញមកដាក់ចានភ្លាម និងស្រោចទឹកផ្សំគ្រឿងនោះលើមាន់ និងរោយស្លឹកខ្លឹមពីលើជាការស្រេច៕

ជ្រក់បំពេញរាជ្យ ឬកំពីងរាជ្យ តែ១៥នាទីប៉ុណ្ណោះ



បើ លោក អ្នក ចង់ បាន ជ្រក់ បំពេញ រាជ្យ មក ទទួល ទាន គឺ មិន មាន អ្វីពិបាក នោះ ទេ ចំណាយ ពេលត្រឹម៥នាទី សម្រាប់ ធ្វើ និង រង់ចាំ ត្រឹមតែ ១០-១៥ នាទី លោក អ្នក នឹង បាន បំពេញ រាជ្យ ជ្រក់ ដែល មានរសជាតិឆ្ងាញ់ទាន់ចិត្តចង់ភ្លាមៗ។

សូមចុចវិឌីអូខាងក្រោម ដើម្បីមើលពីរបៀបធ្វើ៖

ទាអាំងអំបិលម្ទេស



គ្រឿងផ្សំមានដូចជា៖

១. ទាមួយក្បាល ទម្ងន់ប្រហែល១គីឡូកន្លះ

២. ខ្ទឹមស ៦កំពឹស

៣. អំបិល ១ស្លាបព្រាបាយ

៤. ស្ករស២ស្លាបព្រាបាយ

៥. ម្ទេស ១០គ្រាប់ (តិច ឬច្រើន អាចលៃតាមចំណូលចិត្ត)

៦. ប៊ីចេង ១ចុងស្លាបព្រាកាហ្វេ


របៀបធ្វើ៖

យកអំបិល ខ្ទឹមស មេ្ទស ស្ករស​ ប៊ីចេង មកបុកបញ្ចូលគ្នាឱ្យម៉ដ្ឋ រួចយកទាដែលកាប់ជា២ចំហៀង ដាក់ចូលប្រឡាក់អោយសព្វ ទុក៣០នាទី។​ ៣០នាទីក្រោយយកទាដែលប្រឡាក់រួចនេះ ទៅផ្អាប់ទុកក្នុងទូរទឹកកក មួយយប់ ទើបសាច់ទាមិនសូវស្វិត និងចូលជាតិល្អ អាចអាំងទទួលទានបាន។

ជើងមាន់បំពងអំបិលម្ទេស



គ្រឿងផ្សំមានដូចជា៖

១. ជើងមាន់​ ១គីឡូ

២. ម្សៅស៊ុប១ស្លាបព្រាបាយ

៣. ម្ទេសក្រៀមម៉ត់ (ដាក់តាមចំណូលចិត្ត)

៤. ខ្ទឹមស​៣កំពឹស។


របៀបធ្វើ៖

យកជើងមាន់ដែលកាប់ក្រចកចេញ មកប្រឡាក់ជាមួយម្សៅស៊ុប ម្ទេសក្រៀមម៉ត់ និងខ្ទឹមស​ (គ្រាន់តែដំបន្តិចបានហើយ) រួចផ្អាប់ទុក១០នាទីរួចជាស្រេច។ លោកអ្នកអាចយកទៅបំពង ឬអាំងក៏បានតាមចំណូលចិត្ត។

ជើងមាន់បំពងអំបិលម្ទេស

ជ្រក់ក្ដាមប្រៃ



គ្រឿងផ្សំមានដូចជា៖

១. ក្ដាមប្រៃចំនួន៥

២. ខ្ទឹមស៤កំពឹស 

៣. ម្ទេស៧គ្រាប់ (តិច ឬច្រើនតាមចំណូលចិត្ត)

៤. ក្រូចឆ្មារ

៥. ជីនាងវង

៦. ស្លឹកខ្ទឹម

៧. ទឹកត្រី

៨. ស្ករស


របៀបធ្វើ៖

១. ចិញ្រ្ចាំខ្ទឹមសឲ្យល្អិតល្មម

២. ហាន់ម្ទេស ជីនាងវង និងស្លឹកខ្ទឹមជាចំណិតៗ

៣. យកក្ដាមដែលបករួច មកច្របល់ចូលគ្នាជាមួយ ខ្ទឹមស ម្ទេស ជីនាងវង ស្លឹកខ្ទឹម ស្ករស ទឹកក្រូចឆ្មារ និង ទឹកត្រីបន្តិច ឲ្យសព្វភ្លក់មើលតាមចំណូលចិត្តជាការស្រេច។ 

This slideshow requires JavaScript.

កំពឹសដុតអំបិល



គ្រឿងផ្សំមានដូចជា៖

១.កំពឹសពូជធំៗ(កាន់តែធំរឹតតែល្អ) ១គីឡូ

២.អំបឹល១ស្លាបព្រាកាហ្វេ

៣.ប៊ីចេង


របៀបធ្វើ៖

យកកំពឹសដាក់ក្នុងឆ្នាំង រួចដាក់អំបិល និងប៊ីចេង រោយពីលើបិតគំរបថ្នាំងហើយទើបបើកភ្លើងឲ្យខ្លាំង ត្រូវលើកឆ្នាំងនឹងក្រឡុករាល់១នាទីម្ដង ដើម្បីឲ្យចូលជាតិសព្វ ប្រហែល៥នាទីបើកគំរបមើល បើឃើញឡើងពណ៌ក្រហមព្រឿងៗឆ្អិនហើយ ស្រង់ដាក់ចានជាការស្រេច។ ចំណាំ៖ មិនចាំបាច់ចាក់ទឹកចូលទេពេលដុត ព្រោះនឹងមានទឹកចេញពីកំពឹសស្រាប់ហើយ។