Tag Archives: chili

ក្ដាមសេះអាំងអំបឹលម្ទេស


គ្រឿងផ្សំមានដូចជា៖

១. ក្ដាមសេះ

២. ខ្ទឹមស

៣. ម្សៅស៊ុប

៤. ស្ករស

៥. ម្ទេស

របៀបធ្វើ៖

១. បកក្ដាម រួចកាប់ជា២ ហើយយកស្រកីវាចេញលាងទឹកឲ្យស្អាតទុកមួយអន្លើ

២. បុកខ្ទឹមស ម្ទេស ស្ករស និងម្សៅស៊ុបចូលគ្នា

៣. យកក្ដាមមកប្រឡាក់ជាមួយគ្រឿងផ្សំដែលបានបុករួច ហើយដាក់អាំងជាការស្រេច។

Advertisements

ស្ងោរជ្រក់ត្រីបាត់ដំបង



គ្រឿងផ្សំមានដូចជា៖

១. ត្រីឆ្កោក ឬត្រីក្អែក ឬត្រីឆ្ដោ (លោកអ្នកអាចជ្រើសរើសយកត្រីប្រភេទផ្សេងទៀតក៏បានតាមការចូលចិត្ត)

២. គល់ស្លឹកគ្រៃ ២គល់

៣.ខ្ទឹមស ១០កំពឹស

៤. ម្ទេស ៦គ្រាប់ (អាចដាក់តិច ​ឬច្រើនតាមចំណូលចិត្ត)

៥. ជីរណា

៦. ជីនាងវង

៧. ស្លឹកខ្ទឹម

៨.​ អំបិល

៩. ប៊ីចេង

១០. ទឹកត្រី

១១. ស្ករស

១២. ក្រូចឆ្មារ


របៀបធ្វើ៖

១. អាំង ម្ទេស និងខ្ទឹមស អោយឡើងឈ្ងុយនិងរាងគ្រៀមបន្តិច រួចយកចំនួនពាក់កណ្តាលទុកសម្រាប់បង់ចូលក្នុងទឹកសម្ល  ឯពាក់កណ្ដាលទៀតយកមកហាន់ជាចំណិតតូចៗល្មម សម្រាប់ធ្វើទឹកជ្រលក់

២.​ ដាំទឹកអោយពុះ បង់គល់ស្លឹកគ្រៃ​(ដំបន្តិច) អំបិលបន្តិច ខ្ទឹមសនិងម្ទេសដែលបានអាំងរួច​ និងត្រីចូលអោយបានមួយពុះសិន ចាំដាក់ទឺកត្រី​ និងប៊ីចេង ភ្លក់មើលល្មមតាមរសជាតិដែលលោកអ្នកចូលចិត្ត រួចលើកទុកមួយឡែក។

៣. ហាន់​ ជីនាងវង ជីរណា ស្លឹកខ្ទឹម និងចិតក្រូចឆ្មាច្របាច់យកទឹកទុកសម្រាប់ជ្រក់ និងធ្វើទឹកជ្រលក់

៤. វិធីធ្វើទឹកជ្រលក់ (រសជាតិត្រូវជូ ប្រៃ និងហឹលខ្លាំងបន្តិច ទើបឆ្ងាញ់)៖ លាយ ទឹកត្រី ក្រូចឆ្មារ ស្ករស (ដាក់តែបន្តិចបានហើយ​)​ ប៊ីចេង ម្ទេស ខ្ទឹមស ស្លឹកខ្ទឹម និងជី អោយចេញរសជាតិជូ ប្រៃ និងហឹល ទុកជាបានការ។​

៥. ដួសសម្លដាក់ចាន រួចរោយជី និងស្លឹកខ្ទឹម  ដាក់ទឹកក្រូចឆ្មារចូល ភ្លក់មើលអោយល្មមតាមរសជាតិដែលលោកអ្នកចូលចិត្តជាការស្រេច។

img_7671