Tag Archives: garlic

ក្ដាមថ្មអប់មីសួ


គ្រឿងផ្សំ៖

១. ក្ដាមថ្ម

២. មីសួ

៣. ស្រាស ៣ស្លាបព្រាបាយ

៤.​ ទឹកត្រី ១ស្លាបព្រាបាយ

៥. ទឹកស៊ីអ៊ីវ ២ស្លាបព្រាបាយ

៦. ទឹកស៊ីអ៊ីវខាប់ ១ស្លាបព្រាបាយ

៧. ទឹកប្រេងខ្យង ២ស្លាបព្រាបាយ

៨. ស្ករស ១ស្លាបព្រាបាយ

៩. ប្រេងឆា ៣ស្លាបព្រាបាយ

១០. ខ្ទឹមស ១០កំពឹស ហាន់ជាចំណិតរាងក្រាស់ៗបន្តិច

១១. ខ្ញី ហាន់ជាបន្ទះស្ដើងល្មម១០ចំណិត

១២. អំបិល ១ស្លាបព្រាបាយ

១៣. ម្រេច​ ១ស្លាបព្រាបាយ

១៤. ស្លឹកខ្លឹម ៤ដើម កាត់ជាកង់ៗប្រវែងប្រហែល១ថ្នាំងម្រាមដៃ

របៀបធ្វើ៖

១. យកមីសួទៅត្រាំទឹក ២០នាទី រួចស្រង់ចេញច្រោះអោយអស់ទឹកទុកមួយឡែក។

២. លាយស្រាស ទឹកត្រី ទឹកស៊ីអ៊ីវ ទឹកស៊ីអ៊ីវខាប់ ទឹកប្រេងខ្យង ស្ករស ចូលគ្នាអោយសព្វ

៣. ចាក់ប្រេងឆាចូលខ្ទះដែលក្ដៅ រួចដាក់ខ្ទឹមស៥កំពឹស និងខ្ញី៥ចំណិត ចូលលីងអោយឡើងឈ្ងុយ និងរាងក្រៀមបន្តិច ចាក់មីសួ ទឹកគ្រឿងផ្សំដែលបានលាយរួចពីខាងលើ និងទឹកស៊ុបឬទឹក៤០០មីលីលីត្រ ចូលហើយច្របល់ឆាអោយសព្វ ទើបចាក់ដាក់ក្នុងឆ្នាំងដី។​

៤. ចាក់ប្រេងឆាចូលខ្ទះដែលក្ដៅ រួចដាក់ខ្ទឹមស៥កំពឹស និងខ្ញី៥ចំណិតចូលលីងអោយឡើងឈ្ងុយ និងរាងក្រៀមបន្តិច ចាក់ក្ដាមថ្មចូល រួចដាក់អំបិល និងម្រេច ព្រមទាំងស្រាស​១ស្លាបព្រាបាយរួចឆាត្រឡប់អោយចូលជាតិបន្តិច យកទៅចាក់ចូលក្នុងឆ្នាំងដីពីលើមីសួ រោយស្លឹកខ្លឹម បន្ទាប់មកគ្របគំរបឆ្នាំងដី ចម្អិនចំនួន២០នាទី ចុងក្រោយរោយជីវ៉ាន់ស៊ុយពីលើជាការស្រេច​ ៕

Advertisements

ជ្រក់ជើងមាន់


គ្រឿងផ្សំមានដូចជា៖

១. ជើងមាន់១គីឡូកន្លះ

២. ទឹក៧៥០មីលីលីត្រ

៣. ទឹកត្រី៣០០មីលីលីត្រ

៤. ទឹកខ្មេះ៣០០មីលីលីត្រ

៥. អំបិល២/៣ស្លាបព្រាបាយ

៦. ស្ករសរមួយស្លាបព្រាបាយកន្លះ

៧. គល់ស្លឹកគ្រៃ៧គល់

៨. ខ្ញី៥ដុំ

៩. ស្លឹកក្រូចសើច១៥សន្លឹក

១០. ខ្ទឹមស១៥កំពឹស

១១. ម្ទេស១០គ្រាប់

១២. ទឹកកកលៃល្មមត្រាំជើងមាន់

របៀបធ្វើ៖

១. ហាន់ខ្ទឹមស ខ្ញី គល់ស្លឹកគ្រៃ ម្ទេស ជាបន្ទះស្ដើងៗ ទុកមួយឡែក។

២. ចាក់ទឹក ទឹកខ្មេះ អំបឹល ស្ករស ទឹកត្រី ចូលឆ្នាំង រួចដាំឲ្យពុះ ទុកឲ្យត្រជាក់ទុកមួយអន្លើ។

៣. ដាំទឹកបង់គល់ស្លឹកគ្រៃ ខ្ញី និងស្លឹកក្រូចសើចមួយភាគ មកបង់ចូល រួចចាកជើងមាន់ចូល បើកភ្លើងដាំឲ្យពុះប្រហែល១០នាទី បន្ទាប់មកស្រង់យកជើងមាន់មកត្រាំទឹកកកឲ្យត្រជាក់សព្វប្រហែល១០នាទីឲ្យសាច់ឡើងរឹង និងស្រួយ។

៤. យកជើងមាន់ដែលត្រាំទឹកកករួច(ស្រង់ឲ្យអស់ទឹក) មកតំរៀបក្នុងក្រឡកែវ លាយជាមួយ ខ្លឹមស ខ្ញី គល់ស្លឹកគ្រៃ ម្ទេសដែលបានហាន់រួច ស្លឹកក្រូចសើច (មិនបាច់ហាន់ទេ ទុកទាំងមូល) រួចចាក់ទឹកសម្រាប់ជ្រក់ដែលបានដាំទុកឲ្យត្រជាក់ចូលឲ្យលិចសព្វជើងមាន់ ទុកប្រហែល៣០នាទីដើម្បីឲ្យជើងមាន់ចូលជាតិបានល្អហើយ យើងអាចយកទៅក្លាសេទុកក្នុងទូរទឹកកកមួយយប់សិន ជាការស្រេច៕ ចំណាំ៖ អាចទុកក្នុងទូរទឹកកករក្សាបានប្រហែល៥ ទៅ៦ថ្ងៃ៕

ស៊ុបខួរជ្រូក


គ្រឿងផ្សំមានដូចជា ៖

១. ខួរជ្រូក

២. ផ្សិតម្ជុល

៣. ខ្ញី

៤. អំបិល

៥. ម្សៅស៊ុប

៦. ម្រេច

៧. ស្លឹកខ្ទឹម

៨. ជីវ៉ាន់ស៊ុយ

៩. ឆ្អឹងមាន់

១០. ខ្លឹមស

របៀបធ្វើ៖

១. រំងាស់ឆ្អឹងមាន់ប្រហែល៣០នាទី បង់អំបិលបន្តិចផង។

២. ជាន់ខ្ញីជារាងចង្វារមូលតូចៗ

៣. ហាន់ស្លឹកខ្ទឹម និងជីវ៉ាន់ស៊ុយ

៤. ផ្សិតម្ជុលកាត់ជើងចេញ ប្រឡេះចេញពីគ្នា

៥. ៣០នាទីក្រោយស្រង់យកឆ្អឹងមាន់ចេញ បង់ខ្ញី ម្សៅស៊ុប ម្រេច ខួរជ្រូក(បកសន្ទះស្ដើងដែលរុំជុំវិញខួរជ្រូកចេញថ្មមៗឲ្យស្អាត)ចូល រំងាស់ប្រហែល១០នាទី ដួសដាក់ចាន រោយស្លឹកខ្ទឹម និងជីវ៉ាន់ស៊ុយជាការស្រេច៕

ខឆ្អឹងជំនីជ្រូកស្ងួត


គ្រឿងផ្សំមានដូចជា៖

១. ឆ្អឹងជំនីជ្រូក ១គីឡូ

២. ខ្ញី១ដុំធំ

៣. ខ្ទឹម៥កំពឹស

៤. អំបិល ១ស្លាបព្រាបាយ

៥. ទឹកត្រី ២ស្លាបព្រាបាយ

៦. ស្ករត្នោត ៣ស្លាបព្រាបាយ

៧. ទឹកស៊ីអ៊ីវ ១ស្លាបព្រាបាយ

៨. ម្រេច បន្តិច

របៀបធ្វើ៖

១. យកឆ្អឹងជំនីជ្រូកប្រឡាក់ជាមួយ អំបិល ទឹកត្រី ម្រេច ខ្ទឹមស (ដំបន្តិច) លៃឲ្យប្រៃឡមៗ ទុកប្រហែល១០នាទី

២. ហាន់ខ្ញីជាចំណិតស្ដើងៗល្មម

៣. រំលីងស្ករត្នោតឲ្យឡើងពណ៌ក្រហមដិត តែប្រយ័ត្នកុំឲ្យខ្លោច បន្ទាប់មកដាក់ឆ្អឹងជំនីជ្រូកចូល ចាក់ទឹកត្រីបន្តិច ទឹកស៊ីអ៊ីវបន្តិច លើកក្រឡុកថ្មមៗ ឲ្យសព្វល្អ ទើបចាក់ទឹកចូលបន្តិចបានហើយ ដើម្បីកុំឲ្យខ្លោច ដាក់ខ្ញី ម្រេច ចូលរំងាស់ភ្លើងតិចៗ លើកក្រឡុកថ្មមៗឲ្យឃើញឆ្អឹងជំនីពណ៌ក្រហមល្អ ទើបចាក់ទឹកឲ្យល្មមលិចត្រឹមឆ្អឹងជំនីជ្រូក រួចរំងាស់ភ្លើងតិចៗ (ពេលរីងទឹកហើយ បើសាច់នៅមិនទាន់ផុយល្អទេ ត្រូវថែមទឹកបន្តិច) រំងាស់រហូតដល់ផុយ និងរីងទឹក ជាងខធម្មតា និងរសជាតិរៀងប្រៃនិងផ្អែមបន្តិចទើបឆ្ងាញ់។ 

ជ្រក់ជើងមាន់


គ្រឿងផ្សំមានដូចជា៖

១. ជើងមាន់១គីឡូកន្លះ

២. ទឹក៧៥០មីលីលីត្រ

៣. ទឹកត្រី៣០០មីលីលីត្រ

៤. ទឹកខ្មេះ៣០០មីលីលីត្រ

៥. អំបិល២/៣ស្លាបព្រាបាយ

៦. ស្ករសរមួយស្លាបព្រាបាយកន្លះ

៧. គល់ស្លឹកគ្រៃ៧គល់

៨. ខ្ញី៥ដុំ

៩. ស្លឹកក្រូចសើច១៥សន្លឹក

១០. ខ្ទឹមស១៥កំពឹស

១១. ម្ទេស១០គ្រាប់

១២. ទឹកកកលៃល្មមត្រាំជើងមាន់

របៀបធ្វើ៖

១. ហាន់ខ្ទឹមស ខ្ញី គល់ស្លឹកគ្រៃ ម្ទេស ជាបន្ទះស្ដើងៗ ទុកមួយឡែក។

២. ចាក់ទឹក ទឹកខ្មេះ អំបឹល ស្ករស ទឹកត្រី ចូលឆ្នាំង រួចដាំឲ្យពុះ ទុកឲ្យត្រជាក់ទុកមួយអន្លើ។

៣. ដាំទឹកបង់គល់ស្លឹកគ្រៃ ខ្ញី និងស្លឹកក្រូចសើចមួយភាគ មកបង់ចូល រួចចាកជើងមាន់ចូល បើកភ្លើងដាំឲ្យពុះប្រហែល១០នាទី បន្ទាប់មកស្រង់យកជើងមាន់មកត្រាំទឹកកកឲ្យត្រជាក់សព្វប្រហែល១០នាទីឲ្យសាច់ឡើងរឹង និងស្រួយ។

៤. យកជើងមាន់ដែលត្រាំទឹកកករួច(ស្រង់ឲ្យអស់ទឹក) មកតំរៀបក្នុងក្រឡកែវ លាយជាមួយ ខ្លឹមស ខ្ញី គល់ស្លឹកគ្រៃ ម្ទេសដែលបានហាន់រួច ស្លឹកក្រូចសើច (មិនបាច់ហាន់ទេ ទុកទាំងមូល) រួចចាក់ទឹកសម្រាប់ជ្រក់ដែលបានដាំទុកឲ្យត្រជាក់ចូលឲ្យលិចសព្វជើងមាន់ ទុកប្រហែល៣០នាទីដើម្បីឲ្យជើងមាន់ចូលជាតិបានល្អហើយ យើងអាចយកទៅក្លាសេទុកក្នុងទូរទឹកកកមួយយប់សិន ជាការស្រេច៕ ចំណាំ៖ អាចទុកក្នុងទូរទឹកកករក្សាបានប្រហែល៥ ទៅ៦ថ្ងៃ។

ទឹកត្រីបុកអំពឹលខ្ចី


គ្រឿងផ្សំមានដូចជា៖

១.ក្ដឹបអំពឹលខ្ចី

២.ទឹកត្រី

៣.អំបិល

៤.ម្ទេស

៥.រំដេង ឬ ខ្ញី

៦.ខ្ទឹមស

៧.ស្ករស

៨.ប៊ីចេង

របៀបធ្វើ៖

បុកគ្រឿងផ្សំទាងអស់បញ្ចូលគ្នា លាយតាមរសជាតិដែលលោកអ្នកចូលចិត្តជាការស្រេច។

ក្ដាមសេះអាំងអំបឹលម្ទេស


គ្រឿងផ្សំមានដូចជា៖

១. ក្ដាមសេះ

២. ខ្ទឹមស

៣. ម្សៅស៊ុប

៤. ស្ករស

៥. ម្ទេស

របៀបធ្វើ៖

១. បកក្ដាម រួចកាប់ជា២ ហើយយកស្រកីវាចេញលាងទឹកឲ្យស្អាតទុកមួយអន្លើ

២. បុកខ្ទឹមស ម្ទេស ស្ករស និងម្សៅស៊ុបចូលគ្នា

៣. យកក្ដាមមកប្រឡាក់ជាមួយគ្រឿងផ្សំដែលបានបុករួច ហើយដាក់អាំងជាការស្រេច។

ស្ងោរជ្រក់ត្រីបាត់ដំបង



គ្រឿងផ្សំមានដូចជា៖

១. ត្រីឆ្កោក ឬត្រីក្អែក ឬត្រីឆ្ដោ (លោកអ្នកអាចជ្រើសរើសយកត្រីប្រភេទផ្សេងទៀតក៏បានតាមការចូលចិត្ត)

២. គល់ស្លឹកគ្រៃ ២គល់

៣.ខ្ទឹមស ១០កំពឹស

៤. ម្ទេស ៦គ្រាប់ (អាចដាក់តិច ​ឬច្រើនតាមចំណូលចិត្ត)

៥. ជីរណា

៦. ជីនាងវង

៧. ស្លឹកខ្ទឹម

៨.​ អំបិល

៩. ប៊ីចេង

១០. ទឹកត្រី

១១. ស្ករស

១២. ក្រូចឆ្មារ


របៀបធ្វើ៖

១. អាំង ម្ទេស និងខ្ទឹមស អោយឡើងឈ្ងុយនិងរាងគ្រៀមបន្តិច រួចយកចំនួនពាក់កណ្តាលទុកសម្រាប់បង់ចូលក្នុងទឹកសម្ល  ឯពាក់កណ្ដាលទៀតយកមកហាន់ជាចំណិតតូចៗល្មម សម្រាប់ធ្វើទឹកជ្រលក់

២.​ ដាំទឹកអោយពុះ បង់គល់ស្លឹកគ្រៃ​(ដំបន្តិច) អំបិលបន្តិច ខ្ទឹមសនិងម្ទេសដែលបានអាំងរួច​ និងត្រីចូលអោយបានមួយពុះសិន ចាំដាក់ទឺកត្រី​ និងប៊ីចេង ភ្លក់មើលល្មមតាមរសជាតិដែលលោកអ្នកចូលចិត្ត រួចលើកទុកមួយឡែក។

៣. ហាន់​ ជីនាងវង ជីរណា ស្លឹកខ្ទឹម និងចិតក្រូចឆ្មាច្របាច់យកទឹកទុកសម្រាប់ជ្រក់ និងធ្វើទឹកជ្រលក់

៤. វិធីធ្វើទឹកជ្រលក់ (រសជាតិត្រូវជូ ប្រៃ និងហឹលខ្លាំងបន្តិច ទើបឆ្ងាញ់)៖ លាយ ទឹកត្រី ក្រូចឆ្មារ ស្ករស (ដាក់តែបន្តិចបានហើយ​)​ ប៊ីចេង ម្ទេស ខ្ទឹមស ស្លឹកខ្ទឹម និងជី អោយចេញរសជាតិជូ ប្រៃ និងហឹល ទុកជាបានការ។​

៥. ដួសសម្លដាក់ចាន រួចរោយជី និងស្លឹកខ្ទឹម  ដាក់ទឹកក្រូចឆ្មារចូល ភ្លក់មើលអោយល្មមតាមរសជាតិដែលលោកអ្នកចូលចិត្តជាការស្រេច។

img_7671

ទាអាំងអំបិលម្ទេស



គ្រឿងផ្សំមានដូចជា៖

១. ទាមួយក្បាល ទម្ងន់ប្រហែល១គីឡូកន្លះ

២. ខ្ទឹមស ៦កំពឹស

៣. អំបិល ១ស្លាបព្រាបាយ

៤. ស្ករស២ស្លាបព្រាបាយ

៥. ម្ទេស ១០គ្រាប់ (តិច ឬច្រើន អាចលៃតាមចំណូលចិត្ត)

៦. ប៊ីចេង ១ចុងស្លាបព្រាកាហ្វេ


របៀបធ្វើ៖

យកអំបិល ខ្ទឹមស មេ្ទស ស្ករស​ ប៊ីចេង មកបុកបញ្ចូលគ្នាឱ្យម៉ដ្ឋ រួចយកទាដែលកាប់ជា២ចំហៀង ដាក់ចូលប្រឡាក់អោយសព្វ ទុក៣០នាទី។​ ៣០នាទីក្រោយយកទាដែលប្រឡាក់រួចនេះ ទៅផ្អាប់ទុកក្នុងទូរទឹកកក មួយយប់ ទើបសាច់ទាមិនសូវស្វិត និងចូលជាតិល្អ អាចអាំងទទួលទានបាន។